ویب ڈیسک: پاک فوج کے شعبہ تعلقات عامہ آئی ایس پی آر کے مطابق افغان طالبان کی جانب سے بلوچستان کی سرحد کی طرف بھیجے گئے 4 ڈرونز مار گرائے گئے، یہ ڈرونز افغان سرزمین سے پاکستان کی جانب بھیجے گئے تھے، جنہیں پاکستان کے جدید فضائی دفاعی نظام نے فوری طور پر شناخت کر لیا۔
پاک فوج کی فوری اور مؤثر کارروائی
آئی ایس پی آر کے مطابق سیکیورٹی فورسز نے اعلیٰ سطح کی آپریشنل تیاری کا مظاہرہ کرتے ہوئے تمام چاروں ڈرونز کو کامیابی سے مار گرایا، پاک فوج کے مطابق بروقت کارروائی کے باعث ممکنہ خطرہ مکمل طور پر ناکام بنا دیا گیا۔
افغان طالبان پر سنگین الزامات
آئی ایس پی آر نے الزام عائد کیا کہ افغان طالبان حکومت اپنی سرزمین کو مبینہ طور پر دہشت گرد عناصر کی سرپرستی کے لیے استعمال ہونے دے رہی ہے۔ ایسے اقدامات افغان عوام کے مسائل میں مزید اضافہ کر رہے ہیں اور یہ غیر ذمہ دارانہ طرزِ عمل ہے۔
سخت انتباہ
پاکستانی فوج نے خبردار کیا ہے کہ اگر افغان طالبان کی جانب سے سرحد پار اشتعال انگیزی یا کارروائیاں جاری رہیں تو انہیں اس کا سخت اور فیصلہ کن جواب دیا جائے گا۔
آئی ایس پی آر کے مطابق پاکستان کی مسلح افواج ہر وقت ملک کے دفاع کے لیے تیار ہیں اور کسی بھی جارحیت کا فوری جواب دیا جائے گا۔
آپریشن غضب للحق کا حوالہ
ترجمان پاک فوج کے مطابق پاکستان کی خودمختاری اور شہریوں کے تحفظ کے خلاف کسی بھی مہم جوئی کا جواب آپریشن غضب للحق کے تحت دیا جاتا رہے گا۔
