منگل کو اڈیالہ جیل کے باہر کوئی واضح لائحہ عمل سامنے آ جائے گا ،جس کا قوم کو پچھلے 8 ماہ سے انتظار ہے، مشال یوسفزئی

اسلام آباد (ڈیلی پاکستان آن لائن) پی ٹی آئی سینیٹر مشال یوسفزئی کا کہنا ہے عمران خان سے ملاقات کے کوئی آثار نہیں اور مفاہمت کے ذریعے ایک بہن کی ملاقات کے لیے کھولی گئی کھڑکی بھی بند ہونے کا پیغام پارٹی کو مل چکا ہے۔

سوشل رابطے کی ویب سائٹ ’’ایکس‘‘ پر جاری بیان میں انہوں نےکہا ایک طرف مزاحمت نظر نہیں آرہی تو دوسری طرف پارٹی کے بااختیار ذمہ داران ہمِیں ہر میٹنگ میں یہ بتاتے ہیں کہ وزیراعلیٰ سہیل آفریدی عمران خان کی بہنوں سے ہر چیز پر مسلسل رابطے اور مشاورت میں ہیں۔ امید ہے اس طویل مشاورت کے نتیجے میں عمران خان کی قیدِ تنہائی کے حوالے سے کوئی حتمی فیصلہ ہو چکا ہوگا اور اس منگل کو اڈیالہ کے سامنے کوئی واضح لائحہ عمل سامنے آ جائے گا جس کا قوم کو پچھلے 8 ماہ سے انتظار ہے ۔ عدالتیں ملاقات کا کیس سننے کو تیار نہیں اور قیدِ تنہائی کا معاملہ بھی اگست تک ٹل چکا ہے۔ اس بامقصد خاموشی کے دور میں یہ ہرگز مت بھولیں کہ ہمارا لیڈر قیدِ تنہائی میں ہے۔